國米「-1」打鐵趁熱

猪拉多纳

19/01/2012
文： 巨高

意大利盃十六強賽事，國際米蘭主場對熱拿亞。睇番兩隊近期演出，國際米蘭可謂完全復甦，於聯賽一口氣連贏六場，難怪教練雲尼亞里每次喺記者面前都如沐春風。雖然今場只係盃賽，但國米都想長勝紀錄延續下去，況且主場出擊點都要向球迷有交代。巨高認為今場「藍黑兵團」贏面較高，２倍「讓球主勝」值得捧場。




（周五凌晨４時開賽）




國際米蘭近況咁好，其實同傷兵情況改善有莫大關係，起碼一對中堅盧斯奧及森美爾都冇病冇痛可如期上陣，加上好波之人史奈達可以復出，對國米攻力必有幫助。實在史奈達於米蘭打吡已經以後備身份上陣，一輪長抖之後，呢位荷蘭球星可望透過盃賽去提升狀態，預料今場會正選姿態上陣。


熱拿亞作客腳軟


唔好忘記「藍黑兵團」相比其他勁旅有所不同，佢哋對於意大利盃極度重視，連續兩屆取得冠軍，球迷唔使擔心國米爭勝意欲，今次有主場之利更加值得信賴。




熱拿亞實力上及唔上國米，而且今季作客特別差，過往對國米都冇好結果，最近一次作客國米大大鑊仲輸到二比五。就算新兵基拿甸奴回勇，亦未必可彌補兩隊實力差距，今場機會睇淡。