馬賽里爾合演入球騷

猪拉多纳

15/01/2012
文： 朱楓

大家嚟緊玩法甲真係要小心，因為佢哋成籮非洲兵已經走晒，當中馬賽更加走咗4件，好在佢哋仲有大勇中場華布拿孭飛，今晚對住有弗爆祖高爾壓陣嘅里爾，相信依然有本錢開2.1倍入球大！（開賽時間：周一凌晨4:00）


華布拿 祖高爾弗到爆


繼法總大勝紅星5:0後，啱啱又喺法聯盃8強作客大勝卡昂晉級嘅馬賽，嚟緊將遇到極大考驗，事關阿休兄弟、中場卡保尼同中堅蘇利文尼迪亞華拉都離隊備戰非國盃，好在中場華布拿近況超勇，連續4場入波，再加上教練迪甘斯重召上年3月因涉嫌強姦、被外借至甘美奧嘅巴西前鋒白蘭達奧歸隊，今晚主場出擊，斷估都唔會食蛋咁失禮啩？




早排喺法總大勝查特利出線嘅里爾，日前喺法聯盃8強未能延續強勢，作客不敵里昂1:2出局，唯一值得慶幸係祖高爾繼法總連中三元後又有波入，完全填補前鋒蘇維離隊踢非國盃留下嘅空缺，再睇埋兩隊近6次交手全部開大，今場入球大有2.1倍真係幾抵博o架！