馬迷吼住財寶鷹

猪拉多纳

        由於好多騎師被罰停賽，白德民、巫斯義、何澤堯同楊明綸要捱義氣，騎足十場。白德民上期起孖兼同都爾齊做騎師王，胯下坐騎當然有飛，今日開熱定冷，睇佢造化。
        
        今期推薦第三場「財寶鷹」，呢匹馬至今跑過兩場，第一次跑條件限制賽，最後賠率有69倍咁多，輸七個半馬位返嚟正常，離奇嘅係，佢接戰普通四班賽反而惹來飛數，得46倍，跑落果然掂過上次少少，輸近咗。今次由勞愛德換潘頓，隔晚飛多到唔信，一度得10倍W，喺「精彩遊戲」啲飛咁勁下，佢都夠膽惹飛，應該堅料，信佢一次。
        
        隔晚飛勁馬上得勝
        
        另外，第七場「馬上得勝」在港初出都有人睇好，如果唔係點會曾得7.2倍W？值得睇實。
        
        騎師王方面，正如開首話，今日白德民啲馬好惡，又得1.85倍，唔買佢仲可以買邊個？周仲