哥登堡飄忽撐咸史達斯

猪拉多纳

26/05/2011
文： Combo King

周五凌晨賽事唔多，而阿King就睇中幾場瑞典超，咸史達斯主場對哥登堡，哥登堡屬國內名牌球隊，但季初演出頗為飄忽，頭四周聯賽輸晒，之後連贏三場，近兩戰又和波，實在唔多可靠。咸史達斯上場作客艾夫斯堡僅輸二比三，表現唔差，加上近三次聯賽主場對哥登堡不敗，受讓可捧1.78倍嘅「讓球主勝」。


（周五凌晨１時開賽）

佐加頓斯主場受讓抵玩

同日佐加頓斯主場對艾夫斯堡，佐加頓斯已成過氣班霸，作客表現甚曳，上次造訪米贊比淨吞三蛋，演出麻麻。不過爛船都有三斤釘，佢哋喺主場時有佳作，今次對住作客表現一般嘅艾夫斯堡有力保持不敗，要「讓球主勝」！


另外，加費萊主場對米贊比，米贊比作客入球能力弱，預計兩隊冇乜交收，捧入球細最穩陣。