鳥棲砂岩1.82倍W薩無赦

港陌

21/05/2011
文： 九叔

今次得米！得米嘅就係日乙嘅札幌岡薩多，JA北海道中央會前日向呢支合作咗4年嘅球隊，送出1噸重嘅北海道土產食米，成Team人都好興奮，但係球場外得米卻唔代表球場內一樣得米，札幌今日作客鳥棲砂岩，真係冇乜條件攞人3分。（開賽時間：周六中午12:00）


札幌食打氣米都冇計


札幌開季表現麻麻，作客更加係3戰不勝兼一球都未入過。不過JA北海道07年起就同呢隊波合作搞足球教室、飲食教室之類，關係非常融洽，為咗幫札幌打氣，呢個機構前日由會長飛田稔章帶埋個北海道米小姐勇崎香奈（上圖右），向札幌送咗1噸米咁多，個教練石崎信弘都好識做，猛話食咗呢啲米之後，希望成班人打好波，年尾可以升上日職喎。




米又唔係興奮劑，點可能一食咗就脫胎換骨先得架。冇錯，九叔上星期平手盤推介作客嘅鳥棲輸咗畀湘南，但係嗰場波鳥棲係贏形勢輸波，射門次數足足多對手1倍，可以話有啲輸運。今場佢哋返到主場，以鳥棲主場兩戰兩勝嘅走勢，贏札幌係好正常嘅事。特別係札幌唔只今季開咧演出走樣，作客唔掂，其實由09年6月起計兩隊交手4次，鳥棲以兩勝兩和佔優勢，一次都未輸過，個1.82倍主W真係唔怕買。