甘美奧主場生擒冇牙老虎

港陌

21/05/2011


巴甲聽晚重頭戲仲有場甘美奧會喺主場迎戰哥連泰斯，主隊出戰自由盃熱足晒身，相反客軍今季實力大減，一於捧甘美奧旗開得勝撐主勝！（開賽時間：周一凌晨3:00）


哥連泰斯主力星散


甘美奧早前出戰自由盃同州聯賽備戰充足，除咗火力旺盛外，主場威力亦非常驚人，15場主場比賽共勝出11場，勝率達到7成多。今場開咧戰喺主場出擊，頭威頭勢，遇上「冇牙老虎」要贏波可謂信心十足。




所講嘅「冇牙老虎」正係上季季軍哥連泰斯，佢哋今季星味大減，朗拿度同卡路士一個退休一個轉戰俄超。同時，兩大進攻主力般奴施薩辛拿基及伊利亞斯文迪斯亦轉到歐洲搵食，至於球迷唯一憧憬嘅新兵阿祖安奴，又未開咧先打柴要長抖，令哥連泰斯實力大受打擊，今場仲要作客出戰，睇怕都幾難全身而退。




推介︰




甘美奧主勝 1.92倍