5大特點扑中好易W

港陌

21/05/2011


相比歐洲聯賽，香港人肯定冇咁熟悉巴甲，有時講啲主力傷咗，大家亦未必知道影響有幾大，反而睇各支球隊嘅盤路同慣性可能仲容易搵到食，以下5支巴甲球隊上季都有一個極之突出嘅特點，絕對值得大家參考！


盤王甘美奧受讓要吼實


‧雖然富明尼斯係上季巴甲冠軍，但原來最幫大家贏錢反而係第4位嘅甘美奧。喺38次開讓球主客和下，22次贏盤、4次開讓球和，12次輸盤，當中17次喺受讓一球嘅「+1」下，更12次贏盤，贏盤率超過70%。


山度士慢熱半場例和　　　


‧雖然山度士擁有尼馬等出色進攻球員，但球隊踢法極之慢熱，上半場竟然24次同對手打和，同已降班嘅古蘭尼一樣多，相反下半場除頭5分鐘外，其餘時間都入過波，新季扒冷可以吼實和主同和客。


明尼路地頭「大」無畏


‧雖然明尼路上季只排13，但入波同失波都極多，分別有52球同64球，難怪全季有63%賽事開入球大，同甘美奧冠絕巴甲。兩隊主場開大比率更高達74%，比率同樣係巴甲最高。


主場王哥連泰斯8成贏波


‧巴甲大部分球隊都靠主場搵食，當中哥連泰斯可謂佼佼者，上季主場獲15勝2和2負，勝率高達79%，數據係全巴甲至勁。至於「作客王」就係高士路，獲9勝4和6負，不敗率達68%。


高士路一放到尾


‧如果被高士路入波，睇怕都好難翻身，事關高士路上季15次喺上半場領先下，下半場未試過被追平或倒輸，吼實主主或客客冇死；相反艾華爾上季16次喺半場落後下未試過反勝，只得4場喺下半場成功追和，其餘12場都一輸輸到尾！