艾夫斯堡弗爆要「客勝」

港陌

01/07/2010
文： 洪心Dee

今晚上演瑞典盃16強賽事，由瑞超嘅艾夫斯堡作客甲組仔哈馬比。上季喺瑞超包尾降班嘅哈馬比，實力今非昔比，今仗面對5連勝、弗到爆嘅艾夫斯堡，相信難有作為。艾夫斯堡2.7倍「讓球客勝」絕冇問題！（開賽時間：周五凌晨1:00）

哈馬比主場飄忽

現時排喺瑞超第5嘅艾夫斯堡近況唔錯，近5戰夾埋入咗13球波，仲要場場至少入2粒或以上。事實上，艾夫斯堡今季鋒力強橫，依家仲係聯賽入球第2多嘅球隊，尤其係前鋒丹尼艾維迪表現搶鏡，至今已攞到11球「士哥」，今次對住甲組仔，入波梗係食菜咁食喇！


反觀哈馬比跌落甲組後表現一般，最慘係主場演出飄忽，聯賽7戰僅得3勝1和3負，加上近6次對住艾夫斯堡只贏2次，莫講話要爭勝，真係和到都偷笑。