洛辛堡搵啱教頭怒炒甲組仔

港陌

30/06/2010
文： 重炮手

早前《太陽波經》嘅挪威前瞻中，曾經提及洛辛堡教練咸雲會喺季中離隊，好在球會已經搵到名宿艾瑾頂替啦！要知道艾瑾喺1988-2002年間，總共12次帶領洛辛堡贏得聯賽冠軍，可見佢執教功力非凡，今晚挪威盃第3圈主場由佢帶隊迎戰甲組阿爾達，有望大捷，1.6倍讓球主勝「-2」捧得過！（開賽時間：周四凌晨0:00）

艾瑾領軍12次奪標

由於原教練咸雲離隊執教瑞典國家隊，所以洛辛堡亦急急腳搵嚟艾瑾接手，其實68歲嘅佢喺球會甚至球迷眼中極具地位，因為佢喺 1988-2002年執教球隊期間，除咗喺98年短暫離開崗位一年之外，總共12次帶領洛辛堡贏得挪超冠軍，可以話係球會嘅勝利代言人。


事實上，艾瑾今次回歸首戰帶隊對干斯雲加即大勝4:0，可見佢執教功力並無退化，無疑令今仗更增勝算。何況，進攻重心派加及中場主力史蘭特亦已經傷愈復出，洛辛堡根本具備晒數胡本錢，對住甲組僅排尾5嘅「二打六」阿爾達，有條件取得大捷！

美聯盃冷吼伐木者

聽朝仲有一場美聯盃第3圈賽事，雖然主場嘅波特蘭伐木者只係美甲球隊，但佢哋同西雅圖海灣者喺美國足球界出名係死對頭，今鋪點都會打得肉緊啲。何況，海灣者兩大中場奧斯禾度阿朗素及巴特伊雲斯上陣成疑，攔截力大減之下，伐木者有力製造冷門戰果，1.52倍「讓球主勝」可以小注支持。