辛達告魯斯：預咗入8強

港陌

29/06/2010

今屆南美洲5虎威到盡，阿根廷、巴西、智利、烏拉圭同巴拉圭全部入晒16強，巴拉圭前鋒辛達告魯斯，就好大口氣咁話依家嘅南美洲球隊今時唔同往日，有技術之餘又有紀律，呢位曼城前鋒仲講到明，以巴拉圭嘅人腳，起碼要入到8強先算有交代喎！

估到南美洲5虎齊晉級

南美洲球隊今屆表現予人驚喜，辛達告魯斯竟然話一早估到喎：「以前巴西、阿根廷畀人嘅感覺都係賣弄腳法，南美洲無啦啦變咗花巧進攻足球嘅Icon，但我要話畀大家知，依家好多領隊都要求有紀律性嘅防守足球，巴拉圭亦係一樣，我哋天生就係進攻能手，依家連防守都改善埋，南美洲球隊有咁嘅成績，預咗啦！」


今晚巴拉圭喺16強面對日本，辛達告魯斯就好有信心會贏波：「以巴拉圭嘅人腳質素，絕對有資格走得更遠，我認為巴拉圭有力殺入 8強，甚至創造歷史。」