夢幻組合初谷即贏

魑魅魍魉

昨日谷草賽事尾場由東廐馬「夢幻組合」贏馬埋齋，騎師蔡明紹停賽復出即取得勝仗之餘，並且為呢匹五歲馬打開今季勝利之門。
       
夢幻組合首次渡江即勝。

對於初次踏足快活谷場地嘅「夢幻組合」，蔡明紹表示賽前已充滿信心。他說：「『夢幻組合』近期狀態愈跑愈好，埋門我親自試過一課大閘，表現對辦。今勻初次渡江，並增程至一哩作戰，路程方面同佢本身擅跑沙田嘅千四米相若，所以對佢冇太大擔心，賽前反而憂慮佢未必可以適應窄場急彎。幸好馬兒轉過第一個彎位，走勢暢順，並守住內欄好位推進，雖然步速有點偏快，但佢仍憑勇態以勁勢力壓對手勝出，確係一匹適應能力強嘅好馬。」