羅馬兵今場搏命

猪拉多纳

　　今日沙田馬場上演十一場草地賽事，來到季尾時分，飛數總集中喺今季未贏馬嘅參賽馬身上，呢次點會例外，隔晚共有七場賽事曾由今季未勝馬做大熱門，鬥志唔會懷疑，至於贏唔贏，要跑完先知。

　　怪飛馬方面，周某發現三匹王牌馬隔晚墊底飛勁，佢哋分別係「幸運歡笑」、「好主意」同「羅馬兵」（見表）。三駒中，周某較為鍾意尾場嘅葉廐王牌馬「羅馬兵」。話說呢匹馬今季只係上陣兩次，而且兩戰都由韋達主轡，竟然有12倍咁多，可見馬迷以前唔重視，然而上仗喺田草1400米跑第三之後，今次隔晚賠率完全唔同晒，一度得5.8倍，信心十足，冇理由唔跟。

　　騎師王方面，好少見貝湯美熱過莫雷拉同韋達，只得2.65倍，睇嚟今日搏殺了。(周仲)