路明星益黎海榮

猪拉多纳

　　黎海榮日前又添一丁，男子漢擔起養家重責，柴米油鹽奶粉尿片，開支一闊三大，是以近期努力求財。剛戰周三谷草，榮仔憑「新添」贏得頭馬，真是夠晒應景，另有「勁卒過河」走入大冷T腳，位置派彩七倍幾，極和味也！

　　從榮仔的拼搏態度可見父愛偉大，為了爭取兒女「尿片錢」，就連「勁卒過河」這類下風馬也照樣砌盡。環看周日沙田賽事，榮仔六匹坐騎在手，計實力全屬籮底貨色，頂多是四連環配腳選擇，但鑑於榮仔的偉大父愛，或可併發出驚人力量！

　　就講第九場文「路明星」，上仗由何澤堯操刀得第四，賽後被加1分，反映評磅員器重有加。今場堯仔改騎「大將風雲」，這代表前駒實力遜一籌嗎？大家別忘記，上日榮仔替「新添」開齋，正是出自文家良馬房！

　　賭博士可大膽估計，「路明星」今次改配榮仔，原因未必是堯仔主動放棄，不排除肥文刻意造就，存心讓榮仔搵多幾個錢傍身！