百利旺老马惹飞

猪拉多纳

　　今晚收尾两场赛事非常乱，但呢两场係因为恶马多而乱，唔係海军鬥水兵。喺匹匹马都有粉丝嘅情况下，能够成为大热门嘅，当然要信，隔晚第七场大热係「红运福星」，第八场係「铁胆龙」，一於实佢哋。

　　怪飞马拣咗第三场「百利旺」，香港马迷有个倾向，就係无论隻马上仗第一定第尾，只要係老马，再出通常冇飞，「百利旺」就係好例子。

　　呢匹十岁马今季唔係未赢过，但赔率始终唔热，季内跑十场最少都有21倍，今次竟惹来隔晚飞，得8.6倍W，佢对上嗰季有两次最後赔率係8倍左右，结果唔赢都有位置，既然係飞到马到之辈，咪嫌佢老。

　　骑师王冷敲黎海荣

　　骑师王方面，柏宝同韦达唔算太热，唔多稳阵可博冷。黎海荣得五匹坐骑可掛骑师王三号牌，应该唔简单，值博。

周仲