歐國盃：歐協軍訓式突擊藥檢

猪拉多纳

歐洲足協大力打擊禁藥問題，破天荒喺歐國盃展開前突擊檢查，消息指正喺瑞士集訓嘅荷蘭大軍已被突襲，藥檢人員即場設立臨時藥檢中心，而且行動似軍人，禁止球員外出，連電話都唔打得，同外界斷絕聯絡足足三粒鐘，傳媒亦冇機會採訪。歐洲足協表示，如果球員喺藥檢期間違規，一律當係未能通過藥檢，將會被定罪，而且絕對冇機會上訴。
洛賓返拜仁友賽被噓

另外，荷蘭周三凌晨熱身賽作客拜仁慕尼黑輸二比三，効力拜仁嘅洛賓下半場為荷蘭後備上陣被主場球迷瘋狂柴台，明顯仲對佢喺歐聯決賽對車路士射失12碼累拜仁輸波耿耿於懷，隊友雲邦美睇唔過眼叫洛賓考慮離隊。