銀河跌watt 難防地震

猪拉多纳

洛杉磯銀河愈踢愈沉，碧咸、當路雲、羅比堅尼都不在狀態，主場讓波信唔過！美職聽朝上演大戰，銀河迎戰聖荷西地震，主隊本屆遇強即屈，鬥紅牛、海灣者、肯薩斯體育會都輸波收場，地震四平八穩不敗率過八成，捧「讓球客勝」。

（周四早上10時30分開賽）
三大巨星都冇態

銀河貴為上季美職總冠軍，但本季演出走晒樣，開咧後三勝二和六負目前僅排尾三，令擁躉大失所望。羅比堅尼近仗一直有傷在身，未能孭起攻擊重任，當路雲亦出現疲態，而碧咸已三十七歲，除處理死球仍有威脅外，要佢衝鋒陷陣盞嘥氣。銀河近五戰未贏過只入兩粒，其中一球係「萬人迷」轟入靚罰波，睇到銀河攻擊板斧少之又少。

聖荷西地震最近雖稍見反覆，但近兩場都於完場前扳平，反映球隊韌力十足，今戰作客遇上冇牙老虎，受讓要得過。