信心十足三连捷

猪拉多纳

　　第九场三班1400米。「信心十足」两出两捷，初出有拖，势估唔到在极度逆境衝赢晒，少啲鬥心和实力都赢唔到。但上赛再W唔觉係「老凭」，因为初出赢马係劲，唔代表翌仗可以无视转路程、曾缺课、负重磅等问题，最终直路上，柏宝以轻柔手法推骑赢马，畀人感觉至少高两班以上！

　　赢完两场升到三班，继续增程，气量够唔够？未跑过，唔会有答案，好在今场唔係班内1400米强组（无一匹季内赢过三班赛），有机会保持不败身。

　　第十场二班1400米。「华美之星」落在韦达手上，战鬥力係有一定程度升级，咪理係唔係赛事环境促成，总之，人马先在三班轻胜，再喺一班多添1W，赛绩有说服力。

　　今仗回到二班，整体对手係下降，但由118磅骤增至133磅，未必有想像般优越感。可取係演出一向极準，而是场又好大可能前段唔快，啱晒隻马均速前置跑法，或可完成季内五捷伟业。

马会赛马节目主持 洪礼贤