更捷胜 鬥志昂扬

猪拉多纳

　　今晚跑马地8场B栏赛事，战果爆唔爆？抑或继续热门马天下，其实好难讲，不过，望真啲，韦达坐骑普遍有分量，骑足8场不在话下，有好幾匹马更加係幾有冠军相，希望佢老哥醒醒定定，唔好再「日行一善」，做番齣好戏畀我哋睇吓。

　　第四场第四班1650米。「更捷胜」转投苏廐後，表现出拼搏态度，曾在谷草3场赛事跑入前列，演出不错。上场改跑田草，根本唔係佢主场，表现欠奉可原谅。今仗出战一哩，路程或会短多少，不过，有番一个月时间操磨，未必应付唔到。总之，幕後恨赢，唔会手软。

　　第五场第三班1000米。「幸福满满」上场同程赢马，过程幾易，唔觉用咗好多力，加磅虽然唔係少，仍然对着「江山如画」等驹，其实冇咩大不了，何况，今场点睇都係步速快，佢呢类後劲马好啱发挥，仲要跑B栏，普遍对後上马有利，有望再下一城。

　　第七场第二班1000米。「一宝」之前急口，唔易留力，不过，近仗见到愈来愈进步，至此，缺点已改善咗好多，以目前战鬥力，在二班谷草场合，点都会有优势，再者，今场多快马，並且多数排外档，早段一定会扯得快咗，佢会跟得顺啲，末段亦会好追啲，既然搏开未有停手迹象，一於再跟多场。

资深评马人 陈华栋