港泳手忙不停 劳动节无得唞

猪拉多纳

　　唔经唔觉又到4月尾，有佛诞又有五一劳动节假期，好多人都可以唞番幾日，但奥运大使之一嘅施幸余又要準备下个礼拜去大马比赛喇，虽然佢喺B标度排得幾前，亮相伦敦奥运应该十拿九稳，但佢好有大志，希望喺6月截数前喺200自度游到A标去奥运。

　　「太平山飞鱼」曾入8强

　　唔讲大家可能唔记得，原来香港泳手亦曾经喺奥运游过入8强！大家仲记唔记得张乾文呢个名呢？唔係无綫监製呀！呢位係有「太平山飞鱼」美誉嘅香港早年游手嚟㗎，佢係第1位代表香港参加奥运嘅选手，喺1950年赫尔辛基奥运100米自由式入咗8强㗎，起码暂时後无来者，但我哋当然希望今年香港选手陆续有佳绩啦！

　　张乾文当年都算巴闭喇，49年喺俾身材高大嘅洋人垄断晒嘅渡海泳赢晒所有人，而且仲连冧幾届??，53年嗰阵已经有7项香港纪录，不过我哋唔好净係向後望，依家嘅选手都好厉害，我哋要继续支持佢哋至係㗎。