马主论战：电讯高星再赢

猪拉多纳

　　电讯高星再赢

　　今晚我哋隻「电讯高星」有份上阵，呢隻马上仗终於响田草2000米重开胜门，其实计质素，佢响四班一样有得争，今次升班孭轻磅上阵，随时可以凭勇态赢多场，希望可以再拉头马喇！

　　另外锺意第七场「骏蹄飞」，上场响谷草1200米输畀「尊胜福星」跑第二，质不如人无话可说，今次同场已唔见有超级马，吼準圣佐治盃先至报名，应该轮到佢威番一次，一於捧场。

　　张敬山

　　帝国勇将咪睇小

　　马伟昌刚啱凭「钢志」同「熊英雄」起孖兼捧盃，手风好顺，今晚一於再捧佢啲马。锺意第三场「必胜熊」，在港五战虽然未赢过，但每次都有奖金收，證明质素唔曳，转跑谷草係时候出头。

　　另外推介第七场「帝国勇将」，上场跑谷草1200米只係输个半马位跑第五，终於有似样走势，睇嚟评分已经减到去有利水平，今次再争此程要吼实。

　　任达华

　　金德胜谂得过

　　沈集成刚啱赢咗两W，今晚一於再捧呢个仓。

　　推介第四场「康骏」，今季头两场赢晒，五岁马肯定仲有分响手，今次重戴眼罩转跑四战三入Q嘅2200米，唔可以睇小。

　　另外锺意第五场「金德胜」，上场爆出62倍大冷赢马，五岁马已正式踏入升轨，今次再跑赢马路程，照计表现有进冇退，呢个宝尾唔怕追。

　　寇鸿萍、梁廷锵