马主论战：电讯至尊再赢

猪拉多纳

　　电讯至尊再赢

　　今日我哋隻「电讯至尊」又上阵，呢隻马上场跑番四班赛一样照赢，睇嚟真係有幾大进步，今次转番嚟沙田上阵，一样啱发挥，希望可以再拉多场头马喇！

　　另外推介第四场「千军万马」，上场已喺泥地露咗一手，今次再吼泥地1200米上阵，有心赢马交代。

　　至於第五场直路赛，要吼实姚廐初出马「吾谁与归」，呢隻马近期做咗唔少工夫，纵配汤智傑上阵亦唔可以睇小。

　　张敬山

　　胜利之星捧得过

　　大摩刚啱凭「海钻石」、「讚惑」、「超群名驹」同「包装博士」赢够四场，手风真係好顺，试问点可以唔捧佢啲马？

　　推介第五场「盈威勇士」，呢隻马埋门好积极做工夫，状态已有番咁上下，配郭立基操刀亦啱数，有权一出即食。

　　另外锺意尾场「胜利之星」，近两仗取得一亚一季，四岁马仍有分响手，搵吴嘉晋操刀有十磅可减，更加着数到晕，跑出水準应该可食尾胡。

　　任达华

　　超群如意咪睇小

　　吕健威刚啱起孖，依家只係差一场头马就赢够13W毕业，今日呢个仓口共出七驹，我睇有机会达标。推介第四场「宝贝」，季内曾响同程赢过马，證明七岁马战鬥力冇退化，经过幾仗回气之後，今次搵番赢马拍档黎海荣操刀，有埋三档帮吓手，的确值得吼实。

　　另外锺意第十场「超群如意」，季内首仗响泥地1200米跑得似模似样，已试準路程性能，今次吼準同程再上阵，一定砌尽。

　　寇鸿萍、梁廷锵