風馳電掣振軍心

猪拉多纳

梁定華昨午精兵出擊獨出一件「風馳電掣」，結果一擊即中，爆出22倍冷Ｗ，而呢匹馬自上季轉投華廐後，同鄭雨滇就最夾，連埋擒日嘅溫拿，至今三Ｗ一手由佢包辦。
       
風馳電掣同鄭雨滇最為合拍。
華哥力挽有回報

雖然華哥今季處於多事之秋，馬房成績停滯不前之餘，近排部分馬匹亦有離心相繼過檔，養馬量已經不足三十匹，尚幸仲有一批馬主相當撐場，正如「風馳電掣」馬主之一嘅張佐治，據佢表示，原本呢匹馬今季表現走下坡，加上有兩支新馬籤響手，佢賽前亦有意安排隻馬退役，不過華哥就堅持留番呢匹馬，結果今場佢嘅表現，證明華哥眼光獨到，嚟緊兩匹新馬，佢就話好放心繼續擺響華哥度，睇吓華哥日後可唔可以憑呢兩匹生力軍，為佢馬房成績帶嚟突破。