体力雄厚有惊喜

猪拉多纳

　　第六场三班1650米。「惊喜」一连两场都有拣，表现一得一失，前仗中段扯得快，步速啱晒，直路追得好劲，贴住季内已3W「劲飞扬」返嚟。上赛名次大倒退，输喺直路两度受阻，完全与实力或状态无关，亦因为冇点用力，话唔定体能返到去前仗水平。目前分数虽然只係恰可水平，並唔係喺三班有优势，好在季内冇点用过，体力方面比好多同场对手着数，加上，今季未有W到手，是赛机会摆在眼前，练者唔应该糟蹋。

　　第七场二班1800米。「帝豪名驹」今季演出比起之前两季稳定得多，至少唔係「一招了」，6岁马处於黄金时期。

　　大前仗初跑此程，当时条件与今赛差唔多，直路曾一度出头，虽然最终鬥唔过「千杯不醉」，不但输得唔远，三、四名亦埋唔到佢身，赛绩算係幾叻。隔了3场再跑，对手冇大分别，本身却有较多日子调息，唔係冇能力征服二班赛。

马会赛马节目主持 洪礼贤