|
|
近期韦达气势劲得好紧要，叁期赛事交出11场头马，单係呢3日赢马量，已经係好多骑师一季之总数，正如上期所指，赢马机器真係开行晒turbo，所以，就算佢啲马赛前觉得有瑕疵，部分都要隻眼开隻眼闭，有时赛马遊戏就係咁，人旺带挈埋隻马。
而潘顿係冇前者咁威，胜在「密度」够！佢已经连赢7期赛事，望望月曆，由2月开始，佢係得8/2冇马赢，其他日子共胜15W，论手风称得上係骑师阵营二哥，总比昔日二哥柏宝讨人欢喜，後者复出虽赢大赛，但重飞马「电子福星」跑到冇P，点会牵连唔大！
讲番红人潘顿，今晚跑6匹马，隔晚全线坐骑有飞，赔率俱介乎4至7倍，睇飞已经有晒动静，佢啲马的确要多加留意。
譬如头场「飞天龙驹」，係得潘顿收服到佢，跑两场冇W有P，今赛又返回此程，排位又好，或可历史重演；第四场「更捷胜」，上仗转到苏廐初出，跑到气管有血都有叁甲，如果冇事咪赢埋，可见转马房後真係叻咗，亦好想赢，今次隔番一轮复出，值得再追；第六场「喜欣赏」，表现一场醒过一场，骑练季内又係好拍档，搏开唔会停。
Jack
|
|
金睛卡
发表于 2012-3-7 08:16
变色卡
显身卡