|
|
今期8场赛事在谷草A栏上演，今晚有冇雨落都唔好计住，单单係赛驹档位问题已经要留心！如果以为A栏比较平均，档位、跑法冇乜偏差，原来係大错特错。
根据近两期A栏16场赛果，1至3档头马有半数之多，利内档趋势好明显，如果单单看上期的话，有啲内档马仲劲，就係1档嘞！当晚成绩好犀利，取得3冠1亚1季，真係唔可能唔信。
今晚一於拣3匹1档马串射，希望因赛道偏差令投X胜算提高。而个人属意拣「妙不可言」、「玉峡生辉」及「佳同」，赔率唔算好冷，胜在独赢未至於熨手，中得两隻已经有唔错回报。
第叁场「妙不可言」，睇上场走势，真係眼冤，隻马因自己嫩水关係，好早已经跑到乱晒笼。但上赛谷草短途，早段留得好好哋，拉士追劲幾强，如果今仗1档有帮助，随时有突破。第六场「玉峡生辉」及第八场「佳同」，有晒近绩支持，又係路程专家，博1档赚埋赛事形势，唔係冇赢面。
Jack
|
|
金睛卡
发表于 2012-2-29 11:37
变色卡
显身卡