马主论战:雪米糍谂得过

猪拉多纳

　　雪米糍谂得过

　　刚战何良爆咗隻「阳光普照」食尾胡，今晚一批何廐马都幾恶，我睇应该有马赢。锺意第六场「雪米糍」，上周叁响谷草一哩跑第二，今次隔一周匆匆再出，唔使讲梗係想赢马补中，同场对手唔算强，值得捧场。

　　另外推介第四场高廐马「万醒驹」，上场初出已经跑到有板有眼，只係输畀「火燎腚」半个马位得第二，證明窄场性能唔曳，再跑谷草1000米有望开斋。

　　张敬山

　　高伯新做威风统领

　　高伯新刚啱凭「马上得胜」爆冷捧走乡议局盃，首次响香港赢盃赛，今晚高廐都有唔少恶马，随时又有头马见面。推介第五场「威风统领」，上场初出跑田草直路赛，闸前着啡灯反映有人睇好，最终跑第十返嚟，可当试咗课闸，转嚟谷草随时见真章。

　　另外锺意尾场「驾宝」，今季跑四场赛事两度上名，演出其实幾忠心，仍然未交代之马，肯定实砌到赢为止，可以继续吼实。

　　任达华

　　欢乐宝宝施回马枪

　　叶楚航近期频频赢马，唔经唔觉季内已累积26W，今晚一於再捧佢啲马。锺意头场「欢乐宝宝」，前仗响谷草2200米打开胜门後，上场转跑泥地赛输咗，唔使太过介怀，今次回师赢马路程可施回马枪。

　　另外推介第二场「金玉之光」，今季跑六场全部叁甲不入，但评分亦因此减到低位，转嚟谷草上阵，随时可反弹。

　　寇鸿萍、梁廷锵