梦幻十一继续赢

猪拉多纳

　　第九场二班1200米。「梦幻十一」季内好少跑得唔好，赛事中经常交出高水準表现，尤其在此程更加好少失拖，係得乱跑嗰场赢唔到，如果根据之前叁班此程两W赛绩，负120磅喺二班唔会冇得争。除此之外，今场冇幾多匹马喺早段置前，对於倾向中置跑法嘅佢，有埋内档关係，好大机会由头赚到尾，五捷唔係冇可能。

　　第十场叁班1600米。「驌龙」初出明显未够态，输咗进度畀头马「华美之星」，並唔係级数不及，不过，後驹赢完再出转场兼缩程都有P，进一步确认前驹喺叁班根本係过客。

　　计佢上季赛绩的话，赢过嘅「甜橙」，今日已经去跑一级赛，「驌龙」仲喺74分，真係着数到晕。今仗加程二百米，从血统背景及脚法而言，或比角逐1400米更啱，更何况，蔡廐田草入Q马，翌仗如增程的话，上名率逾6成，證明呢类马失败比例唔算多，大可看重。

马会赛马节目主持 洪礼贤