隔晚飛「泥」料多樂趣

猪拉多纳

　　蔡神仙今日擺晒啲惡馬出嚟，「首飾孖寶」熱到爆廠不在話，就算在港初出嘅「醉喜」面對1600米準得交關嘅「精奇」亦冇拗底，得6倍W，穩守次熱門位置，睇嚟一出即勝唔奇。

　　至於怪飛馬，我決定喺泥地場合揀，最終搵到頭場隻「多樂趣」出嚟。

　　呢匹馬來港三季，跑咗十五場賽事都未熱過，今季最多人鍾意嗰次，都係上仗嘅20倍，仲要跑十三名返嚟，正常唔應該惹飛先啱，但世事有時真係冇人知，噚晚開飛，呢匹馬一度得8倍W咁少，仲熱過上仗四班都跑第三嘅「鋁合鎗」，睇嚟係睇準「多樂趣」至今兩戰泥地1200米都有殿軍，既然隔晚有重飛，呢鋪唔砌仲等幾時？

　　韋達騎師王穩陣

　　騎師王方面，蔡神仙發功，韋達實係受益者，得1.4倍，勸大家咪拗頸了。

周仲