史篤城返主場劏黑貓

猪拉多纳

04/02/2012
文： SAMVO肥叔

名牌波點都多人追，阿仙奴近況唔掂，而且已非英超頂級球隊，不過，大批死硬派粉絲始終對佢哋不離不棄，一味死追爛追，可惜呢班波不復當年勇，上場對保頓又失分累街坊。雖然「兵工廠」成績差，但莊家開盤仍然好辣，周六主場對布力般流浪又要大幅讓波，絕對信唔過，捧大盤好過！




講番今輪重心推介，史篤城主場對新特蘭，捧主隊！史篤城上場聯賽對曼聯輸波，兩個失波都係十二碼，敗不足辱，作客向來唔係佢哋強項，今次返到主場又係搏殺時候。「黑貓」近況好，但今次作客好惡踢，未必頂得住對手，受讓都唔要，一於捧史篤城！（有線200及300台周六晚11時直播）


諾域治吼細盤


同日諾域治主場對保頓，諾域治上次大敗，後防發揮甚曳，今次回師主場出擊，首要任務一定係改善防務，佢哋今季主場表現四平八穩，吼細盤。另外，西布朗近績麻麻，已經開始感受到護級壓力，主場對住同級球隊史雲斯唔搏等幾時，讓半球係出擊盤口，今場可秤先主隊。




西甲方面，馬略卡主場對貝迪斯，馬略卡今季主場演出確係有啲走樣，但現時已經踏入下半季，再唔把握機會於主場搶分就大劑！貝迪斯今季作客好曳，絕對信唔過，一於撐馬略卡！


肥叔心水


阿仙奴大




哈化柏林上盤

禾夫斯堡大

諾域治細

史篤城上盤

西布朗上盤

馬略卡上盤

富咸下盤、大