駿蹄飛步幅開揚

猪拉多纳

　　今晚谷草夜賽，沈集成馬房雖然只得兩駒列陣，但全部實力不弱，且由好手執韁，且看能否再為倉主取得成績。

　　出爭第六場三班1200米的「駿蹄飛」，上仗轉倉後初出，在潘頓胯下角逐同程，排十二檔下仍能後上追回一席第三，狀態明顯有起色。拼後此駒續做工夫，埋門拍跳課課出色，近日踱步走來步幅開揚，鬥心湧現。六歲馬實力並未退化，目前跑谷草1200米屬其最佳出路，潘頓一手操好再為其効力，加上有五檔幫手，力足勝回一仗。

　　列陣第七場三班1000米的「多益善」，季初在吳廐時曾於同程入Q，僅負於頭馬「高風格」個多身位，賽事水準頗高；上仗轉投沈廐後初出，轉戰跑田草1000米，由於當時狀態未足，最終在巫斯義胯下大敗而回，卻已盡收熱身之效。復課後此駒加強備戰，日前由潘頓親自策騎於草地快試考驗，走來火旺力足，埋門踱步亦有好走勢，可見狀態已復勇。今仗回師強項谷草1000米，可望贏馬開齋。

家明