羅連安特「+1」唔赦里

猪拉多纳

31/01/2012
文： ComboKing

周中除英超、意甲開快車，其他地方亦上演多場盃賽賽事，法聯盃準決賽羅連安特主場鬥里昂，里昂係今季唯一一支能夠作客擊敗羅連安特嘅球隊，不過盃賽場合變數多，里昂今季作客表現唔穩定，阿King建議捧羅連安特「讓球主勝」。（周三凌晨3時45分開賽）


羅連安特今季主場成績甚佳，十一場聯賽僅輸一場，唯一敗仗就係今場對手里昂，今次兩軍再遇，里昂心理上雖然較佔優，但想贏波就未必有十足把握，始終今場係一場過淘汰制四強賽，相信大家都會踢得比較保守，而且從上次聯賽碰頭所見，里昂小勝一粒，在形勢上亦冇絕對優勢，今次作客讓波實在唔穩陣，阿King認為羅連安特可以發揮今季主場聯賽僅失五球嘅穩健防守戰術，於法定時間內保持不敗。


另外，荷蘭盃上演八強賽，維迪斯主場鬥海倫芬，維迪斯日本新兵夏雲拿上場聯賽取得加盟後首個士哥，可惜輸波，維迪斯歇冬後連輸兩場，面對兩連勝兼冇失波嘅海倫芬注定冇運行，捧客W。最後一關揀南美自由盃外圍賽次回合，秘魯漢卡約主場鬥阿根廷沙蘭迪兵工廠，沙蘭迪首回合贏三比○，今場唔輸多過兩粒就掂，可睇定嚟食，漢卡約實力所限，想收復失地恐有心無力，捧細盤啱數。