|
|
22/01/2012
另一場曼城主場對熱刺，樂比仔相信都係開大格！兩隊近年成功顛覆英超Big4壟斷局面，先後「攝位」取得歐聯入場券，今季兩隊實力再升呢，竟成為爭標競爭對手，以兩隊嘅進攻火力，樂比仔估計今場會有大量入球出現，捧大盤！（有線200、300及204台周日晚9時30分直播）
兩軍後防同時穿窿
曼城係英超入波最多嘅球隊，二十一仗入五十七球，其中主場十戰十勝，平均每場射入3.1球！不過熱刺又點會任曼城魚肉，正如首循環輸一比五咁，佢哋都入番一粒攞番個安慰獎，加上熱刺今季聯賽作客已連續九場有波入，今場開大係相當正路嘅戰果！
事實上，兩隊後防都有不穩嘅情況，曼城一對中堅高柏尼及高路托尼分別因停賽及出戰非洲國盃而缺陣，近期被委以重任嘅史提芬沙域則明顯未夠班，熱刺要攻破曼城大門絕非難事。
雖然熱刺借將艾迪巴約今仗未能倒戈上陣，對前線攻力有一定打擊，但前鋒迪科爾近期重拾佳態，踏入一二年已經有兩球進帳，配合雲達華治、艾朗連儂及加里夫巴利等攻擊球員，攻力依然是相當強橫，相信今場會炮製唔少嘅入球！
|
|
金睛卡
发表于 2012-1-22 06:39
变色卡
显身卡