阿特蘭大洩氣捧祖記

猪拉多纳

21/01/2012
文： RICHARD WELBING

意甲阿特蘭大主場對祖雲達斯，主隊歇冬後走晒樣，兩戰均捧蛋收場，基於阿特蘭大上半季不俗表現，唔少操盤手未敢太睇淡佢哋，所以榜首祖記客勝仍有1.73倍。不過阿特蘭大呢種小型班，全靠打道氣，現時已洩氣，敗像已成，預料只會每況愈下，可以長反。（周日凌晨3時45分開賽）


評級未降　「入貨」吉時


阿特蘭大由於打假波被扣六分，一開季搶分心切，激發球員鬥心，有超水準表現，但亦因為初步目標已達到，加上歇冬期休息，磨滅咗球員鬥心，導致今年兩戰全敗。操盤手通常參考球隊較長時間戰績作出評級，阿特蘭大兩連敗後，仍未被「降級」，間接令對手祖雲達斯贏波賠率處於吸引水平，呢段時間最值得入貨。




祖雲達斯今季聯賽仍然不敗，但因為和波次數較多，以致仍未甩掉AC米蘭，但祖記勝在人腳充裕，亦唔需要應付歐洲賽，始終屬於最佳投X對象。另外，對賽往績方面，祖記佔壓倒性優勢，雙方近六次交手，取得五勝一和，之前四次作客阿特蘭大更獲得全勝，近三次都淨贏兩球或以上，睇晒咁多數據，可以證明祖雲達斯客W投X價值甚高。