|
|
20/01/2012
文： KIT
仲有幾日就到龍年，先向各位《太陽報》讀者拜個早年！年廿九，我哋有線就會有全港首次3D英超直播，唔知澳職幾時先有3D版本？今日晏晝直播場紐卡素噴射機對威靈頓鳳凰有同一條攤路，就係主強客弱！其中「噴射機」最離譜，今季作客只得2分，相反主場就攞咗16分！雖然話佢哋依家排第9，但中下游亂到九彩，「噴射機」今日只要贏出，就可即時彈上第5位，只要佢哋之後保持住主場強勢，入季後賽並非無可能！
雖然前鋒謝菲斯繼續養傷，但其他幾個攻擊球員好似布洛奇、格菲斯同夏列迪保持主場水準，仲有後防大將泰萊列根同睇住佢進步嘅後生仔門將賓堅尼地堅守最後一道防線，今場「噴射機」要喺主場全取3分唔係難事。
「鳳凰」上輪無錯係作客贏波，但對手只屬榜尾嘅黃金海岸聯，最弊仲要係比賽末段先憑添布朗入球贏出！唔計呢場爆個作客冷門，「鳳凰」今季作客只得2和4負，始終未能擺脫近幾季作客例牌腳軟嘅陋習，應開唔出作客兩連勝咁搞鬼啩？今日小妹一於力撐「噴射機」飛得起！（有線64及204周五下午5:00直播） |
|
金睛卡
发表于 2012-1-20 10:47
变色卡
显身卡