慕遜加柏細擋拜仁

猪拉多纳

20/01/2012
文： 蘇斯黑柴

德甲重開即上演重頭戲，聯賽四哥慕遜加柏主場挑戰榜首拜仁慕尼黑，慕遜加柏今季揭幕戰曾作客爆冷擊敗拜仁，至今仍保持主場不敗身，今仗蓄銳而臨，隨時頂得住有「國王」列貝利停賽嘅拜仁，推介入球細同慕遜加柏「讓球主勝」。




（有線61及201台周六凌晨3時30分直播）




首循環冠軍拜仁歇冬期拉隊杜拜集訓，賽前亦高呼復仇口號，不過呢支班霸向來慢熱，上季歇冬後首仗只賽和禾夫斯堡，今季首戰亦不敵慕遜加柏，何況佢哋今仗未能夫添，「國王」列貝利停賽係致命傷，皆因慕遜加柏出名防守嚴密，缺少咗佢嘅過關斬將，拜仁破密集能力大打折扣，加上中場大將舒韋恩史迪加啱啱傷愈，但過去一周亦因膝傷導致停操，今仗要賽前體測至決定能否上陣，如果「小豬」冇十足狀態，拜仁戰鬥力就會大幅削弱。


首循環遇3強全開細


慕遜加柏喺「神奇教頭」法夫爾手上不斷進步，至今仍保持主場不敗金身，首循環作客贏過拜仁，全隊上下信心超強，而且特擅蓄銳出擊，上季歇完冬同今季首戰都順利贏波，今仗雖有中堅丹迪停賽，但法夫爾已經為球隊建立一套極有層次嘅嚴密防線系統，前線亦有弗爆嘅馬高列奧斯打反擊，今仗有力頂住客軍強攻，拜仁近四次作客保路西亞公園球場全部和波收場，客Ｗ熱到1.46倍太過分，建議敲2.42倍嘅「讓球主勝」；此外，慕遜加柏首循環面對榜首三強拜仁、多蒙特同史浩克04都開細盤，今仗依然會以穩為先，2.15倍入球細亦可兼顧。