地上最強傷剩15件

猪拉多纳

18/01/2012


巴塞隆拿傷兵情況嚴重，在西班牙盃前最後一課操練，只有十五個球員可正常開操，喺緊急情況下，巴塞惟有召喚十個B隊年輕成員陪練，球隊操練缺乏完整性，教練哥迪奧拿都話冇法子，希望僅餘嘅十五個球員可保持健康，捱過呢段「傷患潮」。


睇中盧卡斯洛迪古斯


早前哥迪奧拿及技術總監蘇比沙列特都講過，球隊唔會喺一月借用或購買新球員，但基於可上陣球員不足，部分重傷球員如韋拿及阿費利，又冇可能喺短時間內康復，故此巴塞好可能會改變轉會策略，喺本月添置人手，據西班牙《每日體育報》報道，巴塞正密切留意聖保羅天才中場盧卡斯洛迪古斯，隨時會喺本月帶佢到魯營球場。