狐狸火燒森林出氣

猪拉多纳

17/01/2012
文： Combo King

英格蘭足總盃第三圈重賽，心水首選英冠對碰「狐狸」李斯特城主場對諾定咸森林。上次對賽李斯特城只能與對手打和一肚氣，或多或少因不擅作客。今次重賽輪到李斯特城有主場之利，成個形勢就唔同晒，相信佢哋今場贏波機會高，主W可優先留意。（周三凌晨3時30分開賽）




李斯特城剛啱喺聯賽輸畀班士利，但大家毋須對近績太過擔心，始終「狐狸」質素比起諾定咸森林優勝，加上有主場之利，贏波唔係難事。留意到森林仍然處於降班區域，球隊當然會以搶分護級為最大目標，未必對足總盃太過在乎。相反，李斯特城位處積分榜中游，唔愁降班又難以爭標，盃賽當然係佢杯茶啦！今場揀主W啱數。


米禾爾「細」贏杜根咸


另一場，米禾爾主場對杜根咸，細盤可多加留意。杜根咸只係一支英乙球隊，比起英冠米禾爾低兩級，照計米禾爾贏波機會都幾高。有一點要留意，兩隊近期入球數字都偏低，相信米禾爾就算勝出都唔會大炒對手，細盤可吼實。




最後域斯咸主場對白禮頓，客W可以跟進。英冠白禮頓喺上次對賽未能成功淘汰英非球隊域斯咸，全因球員太過輕敵。受過教訓之後，白禮頓一定唔會再犯相同錯誤，客W超過兩倍可謂非常吸引。