紐卡素弗爆昆士柏有難

猪拉多纳

15/01/2012
文： Yennie

下個星期就到農曆新年，亞洲超級球會挑戰盃嘅門票亦已公開發售，大家買咗飛未呢？我打算年初一、四拜完年之後親身去大球場捧場，到時見啦！




講番今晚英超早場，由紐卡素主場對昆士柏流浪，「喜鵲」目前排喺聯賽榜第7位，唔講得笑o架！雖則話佢哋今仗有射手丹巴巴亞去咗踢非國盃，但仲有愈踢愈好嘅法國球星賓艾化，唔使擔心唔夠鋒力啦！仲有呀，紐卡素上輪聯賽喺主場炒曼聯3蛋，士氣同信心都處於高峰，對家昆士柏近9戰只得3和6負，狀態衰到貼地，防中祖爾巴頓又停賽，睇怕新帥曉士嘅處子戰都係凶多吉少咯。


Yennie心水


紐卡素（勝）




半隻腳踩咗入o靚模界，但最後決定以學業為重。如今畢業在即捲土重來，希望大家支持。外國波、本地波都係佢「飛佛」。