|
|
冇見韋達3期賽事，期間大部分賽事冇話爆到亂晒籠，不過，由於佢停賽關係，好多蔡廐馬配搭唔同咗，有時要估估吓，究竟會唔會關照？！點都冇佢騎嘅時候，畀人一種安全感！
韋達今期復出，其實唔係騎好多馬，只得6駒，不過，唔知係佢啲馬有實力，定係馬友們耐冇見佢，所以熱情泛濫，差唔多匹匹隔夜賠率都好熱，最冷已經係尾場6倍幾「皇龍戰駒」，其餘5駒之中，十幾廿蚊計有「傲男」、「翔龍」及「飛燕」，而初出「育成王子」，以及直路賽冇咩表現嘅「富貴金龍」，亦不過5倍W，佢啲坐騎認真低水。
低水、冇肉食，其實又冇法子，鬼叫佢啲馬真係勁，加上，佢停賽3日，復出點都會令人有期望，啲馬避免唔到唔熱。就如「飛燕」，初出贏得輕鬆過晨操，再出唔係得1倍，咪已經大呼好分！
而上賽同樣初出嘅「傲男」，又係一鳴驚人，可以拍住新勝「精奇」返嚟，反映插三班好着數。而「翔龍」換番韋達騎，一定熟手過柏寶，何況，增程或者更合性能，大有補中之力。 Jack
|
|
金睛卡
发表于 2012-1-15 10:58
变色卡
显身卡