蒙彼利埃里昂鬥入波

猪拉多纳

14/01/2012
文： 笛子波童

法甲聯賽今周重開，巴黎聖日耳門雖然贏得首循環冠軍，不過球會歇冬期間依然解僱教練高巴亞，改用名牌教頭安察洛堤領軍。安帥掌帥印後「雷聲大、雨點小」，除首場熱身賽不敵前球會AC米蘭，周中法足盃面對業餘隊伍聖哥隆賓亦要苦戰至最後一刻才告贏波，演出顯然未如人意，將帥之間如何磨合將成球隊下半季爭標嘅最大關鍵。




今周重頭戲由排第二嘅蒙彼利埃主場鬥第四位嘅里昂，蒙彼利埃今季異軍突起，目前僅以三分落後榜首聖日耳門，而且佢哋係目前聯賽入波最多嘅球隊，十九場聯賽入咗三十九球，攻力有保證，不過佢哋首循環曾經作客輸畀里昂，主場亦曾不敵聖日耳門，打硬仗嘅心理質素仍有待改進。里昂歇冬後於盃賽連贏兩場，射手利辛度盧比斯個人入四球，但考慮到球隊周中剛於法聯盃惡戰里爾，體力輸蝕，既然大家各有不足，兩軍進攻發揮同樣出色，今場最好捧入球大。（now 633及714周日凌晨4時直播）