西維爾大盤暖笠笠

猪拉多纳

14/01/2012
文： 渡邊年

喜歡日本拉麵，都知道好多時係靠個湯底分高下，相反，香港嘅麵檔好多時都係着重材料本身，但渡邊年日前幫襯紅磡蕪湖街一間清湯腩，就係以湯底取勝。老老實實，間嘢用清湯腩做招牌，但牛腩唔算突出，比起九記、大利、華組同群記仲有啲距離，但已經比一般麵檔做得好。




不過，呢度嘅湯底值得一讚，食一碗清湯牛腩麵就好似食咗個燉牛肉湯咁，師傅除咗用牛骨同牛腩做湯底，仲落咗圓肉、杞子、當歸等，碗麵攞嚟嘅時候有清清嘅藥材味，先呷一啖湯，之後先至食舊牛腩，同食其他清湯腩有唔同嘅味蕾體會，食完麵飲晒碗湯，真係成個人暖笠笠。




有人批評清湯腩就清湯上，搞埋啲藥材湯不倫不類，但渡邊年覺得做生意嘅嘢各師各法，無話點整法先至叫正宗，咁講，嗰啲fusion菜就唔使喺呢個世間出現啦。


對愛斯賓奴例多波入


呢排令到渡邊年暖笠笠嘅仲有西維爾，佢哋歇冬後表現有交代，連續兩場開大幫渡邊年執唔少，今次對近五次賽事四場開大嘅愛斯賓奴，再追大。（now 632周日凌晨1時直播）