皇馬血洗小島挽聲威

猪拉多纳

14/01/2012
文： 法比加輝

「銀河艦隊」皇家馬德里今輪到訪「小島」馬略卡，雖然皇馬歇冬後略為走樣，但其實數據上仍然保持強勢，近六戰全勝，值得信賴。皇馬靈魂C朗拿度講明唔滿意自己近兩仗表現，準備在今場血洗「小島」挽聲譽，加輝信C朗捧「讓球客勝」。




（now 632周日凌晨3時直播）




正如「寸王」莫連奴所講，皇馬在歇冬小休後狀態有所下滑，個別球員如C朗拿度及奧斯爾都冇歇冬前咁「好火」，加上「助攻王」迪馬利亞又要養傷，明顯少了一份霸氣。




幸好C朗亦深明自己跌Watt，賽前講明會盡快找回佳態，事實上C朗近兩仗雖然少了「士哥」，但其實鬥心十足，就算踢西班牙盃都唔錫力！再者C朗剛於國際足協金球獎頒獎禮中，再度屈居死敵美斯之後，向來好勝的C朗肯定搵馬略卡出氣，加輝睇好呢位天之驕子「歸位」。


馬略卡級數輸晒


不過皇馬今場未能以「夫添」應戰，除迪馬利亞繼續養傷外，近期復甦的基迪拉在西班牙盃中重創，肯定要抖一段日子，預計狄亞拉或者法比奧干查奧會踢防中，影響未算太大。馬略卡方面，由於剛剛在西班牙盃大勝皇家蘇斯達六比一，所以眾將賽前都話大軍士氣高昂，唔排除可以在皇馬身上取分，門將杜度就呼籲隊友要比皇馬球員跑動更多，用體能克制皇馬。雖然馬略卡周中嘗到大勝，但對手蘇斯達根本難與「艦隊」相提並論，今場面對皇馬級數輸晒。


皇馬作客10連勝


再者皇馬今季克服「主強客弱」的弊病，近十場作客全部贏晒，其中更有七場贏兩球或以上，比率都算高，所以加輝今場仍然企在皇馬這邊，捧「讓球客勝」。