森林死晒火卡城有計

猪拉多纳

31/12/2011
文： ComboKing

英倫賽事好熱鬧，今日阿King集中推介英冠。諾定咸森林主場鬥卡迪夫城，森林病入膏肓，前線全面死火愈踢愈曳，近六仗五敗仲一球不入，於快車賽期更難翻身。卡城作客硬淨有計，本季作客不敗率超過八成，平手盤筍到爆，必捧客軍！（周六晚11時開賽）




森林早前換領隊曾出現小陽春，但之後就無以為繼，近六場聯賽輸五次，剩番嗰場就作客悶和布里斯托城○比○。球隊鋒力極度疲弱，近八仗有七場冇波入，目前仲有伊斯美米拿、保羅安達臣等進攻球員因傷缺陣，入波都毫無把握，又點去贏波？卡迪夫城近期戰績雖一般，但球隊查實長期保持穩定，而且作客可靠唔易輸，本季十三戰有十一次不敗，贏過韋斯咸同雷丁，今場平手盤坐和望贏。


水晶宮爛打「細」頂米禾爾


米禾爾主場撼水晶宮，客軍爛打夠活力，後防又夠穩陣，米禾爾進攻火力一向麻麻，捧細。最後睇埋屈福特主場對唐卡士打，唐軍一作客後防就散晒，近七次作客失十七球，一於捧大。




（周六晚9時開賽）