高清睇跑馬：有莊有閑保不敗

魑魅魍魉

　　今季總場次676谷草三班1000米﹕「旅英駿駒」排十二檔應聲彈出，韋達亦積極推騎，但始終短途賽事早段步速快，故此去到八百米韋達便按實﹔至於走位方面亦相當醒神，起初走四五叠，之後逐步切入內檔，尚未入彎已居二叠，入直路望空即衝刺如箭取勝。三歲馬首次渡江作賽兼負重磅仍輕鬆贏馬，足證尚有評分在手，這次回師兩戰全勝的直路賽，有力取得季內第五捷。

　　另外，總場次316田草四班1400米﹕「有莊有閑」一早開操兼於大閘輕鬆放返，但始終初次出賽，故此配韋達亦以八倍開跑。此駒排十三檔，但起步反應敏捷，並在韋達緊韁下以高速搶埋欄，看來馬匹極具競賽意欲。入直路時「有莊有閑」繼續昂首闊步，並在韋達順勢推騎下愈跑愈順，結果如試閘般一放絕塵，初出即贏1400米已夠搶鏡，而且尚要一鞭未打，表現可謂技驚四座。三月尾復課以來操練無間，這次升上三班負輕磅更合，超班馬就算排十三檔亦冇有怕。

Sam