巴拉圭啦啦隊索到啪啪聲

港陌

29/06/2010

巴拉圭最索啦啦隊拿莉莎熱爆全球！當年意大利「電話門」事件令球壇震動，巴拉圭索模拿莉莎亦自編自導自演「電話門」經典，於南非為國家隊打氣時用乳溝夾住手機，「峰」芒畢露，極速於網絡爆紅，被譽為今屆最索女粉絲。


巴拉圭分組賽首戰對住意大利，索女拿莉莎身穿低胸緊身小背心喺場邊落力打氣，盡騷逼爆身材，佢更被傳媒發現乳溝夾住手機，非常搶鏡。

拿莉莎曾選世姐

賽後拿莉莎性感照於互聯網廣泛流傳，仲畀網民人肉搜索，原來呢個靚女係模特兒，仲曾角逐世界小姐，難怪正成咁啦！


巴拉圭靚女啦啦隊點只一個咁少呢，射手辛達告魯斯老婆Giselle亦非常省鏡，佢本身樣子甜美，身材仲非常好，曾被西班牙選為全球最火辣WAG，今次老公出戰世盃，佢肯定會瞓身支持巴拉圭啦！