高清睇跑馬：蜚聲檔靚冇失拖

魑魅魍魉

　　今季總場次505田草四班1200米，「蜚聲」排十檔形勢輸蝕，結果起步漏閘，柏寶惟有留前鬥後，早段走三叠，之後多駒上前內檔有空位，入彎走入二叠，繼續留守尾二，落後放頭馬一大段距離，入直路拉出外檔衝刺，起初一度被「愛蓮說」頂住去路，好彩後駒有點外閃，騎者乘機取位衝上，但實在落後太遠，最後二百五十米仍未入鏡，難得仍追回一席亞軍，未能贏馬有點失望，然而起步遲緩兼轉彎蝕位，且跑法與之前一仗前置完全唔同，更重要頭馬「好利利」實力超班。周日再戰同程排一檔，坐位望贏應冇失拖。

　　另季內總場次513田草一班1400米，「雅雪」續由勞愛德執韁，起步如常應聲彈出，奇在德叔仍是不放而留，甚至讓路畀「奪寶」埋欄快放，之後更讓「聖法理」搶入內欄，未有放領而跑來搶口，以為將重蹈覆轍，但六百米處在外叠上前，反應凌厲，入直路已拍住正全力衝刺的「奪寶」，德叔仍未推騎，過了三百米處才開始加速，即以洶湧走勢彈甩群駒，在未有打鞭下贏馬而回，反映之前一仗跑法絕無問題，新跑法下有望進至更高層次，周日舊路重遊，當可再捷。　

Sam