貝湯美「戰」意十足

猪拉多纳

　　大摩是貝湯美的最大支持者，此對騎練屢創佳績，凡是摩馬匹，湯美仔總是二話不說率先揀騎，儼如「影子主帥」一般，其他倉口欲與湯美仔合作，便得留待谷草賽事了。皆因大摩喜吼於田草搵食，谷戰攻勢向來平淡，正如今晚八場比賽，大摩馬房僅派兩駒上陣，湯美仔不用招呼「波士」，空檔多的是，遂成為眾倉主的拉攏對象。

　　至於葉楚航乃湯美仔的第二號支持者，今季兩人合作九次，成績為兩冠三季一殿和一次第五，幾乎次次收獎金。很明顯，每逢阿航找來湯美仔效力，心態絕非博減分與退熱，而是實牙實齒砌到盡！

　　今晚第三場四班1200米的「天地福星」，季中階段曾由潘頓贏馬建功，及後升上四班，礙於負磅太輕，唯有起用本地薑操刀，雖然戰鬥力相對減弱，但仍於大前仗跑入Q腳，可見馬兒身處四班亦不吃虧。今次難得湯美仔有空，更重要是他能造到115磅，誠是一路必拼人馬。

　　此外，尾場二班1200米「環保戰士」上仗初配湯美仔得第四，有人指可能是谷草狀元戰過後，馬兒進入回氣減分期。惟今仗賽前所見，湯美仔連課摸實視之如珠如寶，如果旨在「遊馬河」又何必如此勞碌？