海鑽石回勇交代

猪拉多纳

　　尾場第二班1400米，「海鑽石」季內搏拼少只跑過五場，上仗得第五已是最佳一次，可見踏入季尾階段狀態回勇，今次賽前操練工夫完整，亦反映健康已無大礙回復正常。目前評分與最近一次贏馬時只多一分，處境有利，續配貝湯美必求贏馬交代。

　　「羅馬兵」上場除掉所有配件即見真章，於同程得第三取得在港首次上名，今次上班孭輕12磅仲好跑，韋達嫡系坐騎一定砌盡。

　　第四場三班1200米，「幸運歡笑」今季在港初出即於同程上陣，臨場只得5.2倍，擺明有心即拼，亦可見自視高，結果僅跑獲一席第四，但該場二、三名馬「仁仁友福」及「萬事盛」其後均有好表現，反映賽事水準不差，果然「幸運歡笑」再出即提升名次得第三。

　　不過，「幸運歡笑」之後兩仗竟轉往谷草出賽，雖然跑得接近，但明顯未有進一步演出。今次終於返回有根有據之田草1200米，排五檔起步唔差，可望贏番場。

　　「驍武」上場初跑同程以強橫後勁追入第三，走勢出色，復課之後韋達接手連操多課好重視，超兩磅都肯騎更顯決心，亦有爭勝之力。(向東)