猪拉多纳 发表于 2017-3-29 15:41

保地花高SP為出線細守城池

國際賽過後,聽朝焦點落喺巴西聖保羅省聯賽身上,事關賽事來到最後1輪分組賽,4組共8個出線名額之中,已經有7個名花有主,餘下最後1個出線席位,屬於A組保地花高SP同伊圖諾之爭;保地花高SP形勢較好,今仗主場只要打和費路維拉亞就可以晉級8強,肯定特別小心謹慎,甚至會主守求和博1分,阿King首選入球細。

(周四早上8時45分開賽)

保地花高SP雖然係丙組仔,但防守穩健,近4場取得1勝3和,每場總入球都係2球或以下,包括打和巴甲勁旅聖保羅1比1,可見保地花高SP一旦有心屯重兵死守,要攻破佢哋大門亦相當困難。保地花高SP現時領先同組第3位伊圖諾3分,換言之今場和波即可出線,梗係要好好利用本身防守強項,悶死對手。至於費路維拉亞只係非聯賽球隊,實力弱一截,加上已經篤定出局,更加唔會搏命,相信難以威脅保地花高SP防線,捧入球細啱數。
伊圖諾豁出去捧W

另一場,伊圖諾除咗必須要喺主場擊敗巴西紅牛之外,仲要寄望保地花高SP輸波,先至可以出線,不過仍相信伊圖諾會盡最後努力爭勝,加上球隊近3次對巴西紅牛獲得全勝,主W值得再追。最後推介哥連泰斯主場對利倫斯,包括盃賽在內,哥連泰斯近8場比賽,每場總入球都係2球或以下,入球細好路。
页: [1]
查看完整版本: 保地花高SP為出線細守城池