猪拉多纳 发表于 2017-3-27 15:35

小鬥牛超班圖利

西甲三雄生牯仔有料到

大國腳踢完,今晚輪到小國腳孭飛!意大利U21主場對西班牙U21踢熱身賽,兩隊都有份進身6月舉行嘅U21歐國盃決賽周,但論今次人腳實力,西班牙U21勝一籌,最犀利係擁有由皇馬、巴塞及馬體會新星組成嘅「黃金中場」,加上近3次鬥意軍U21,獲得全勝,1.8倍客勝值得追捧。

(周二凌晨3時開賽)

西班牙U21喺同齡球隊之中超晒班,過去3屆U21歐國盃,兩次捧盃,包括2013年決賽以4比2擊敗意大利U21。「鬥牛國」青訓出色,高質新血源源不絕,今次大軍名單上有多位西甲猛將,包括皇馬中場馬高阿辛斯奧、巴塞中場丹尼斯蘇亞雷斯、馬體會中場沙奧尼古斯等,都具有「大國腳」嘅級數,陣容完整,等閒之輩好難抵擋得住呢班「小鬥牛」強攻。

意大利U21有多位適齡主力被抽調上大國腳,領隊迪比亞治奧只能靠一班嚟自意甲弱隊嘅球員支撐大局,最不幸係藍衫軍一直被西班牙剋死,已經連輸3次畀對手,今次人腳不整,更加難以打破宿命。
「幼獅兵團」失射手獻「細」

另一場熱身賽,丹麥U21主場對英格蘭U21,「幼獅兵團」同意大利有類似問題,事關拉舒福特等主力都去咗踢大國腳,上仗即以0比1不敵德國U21,加上英軍領隊保夫萊特剛坐正冇幾耐,仲要時間摸索,吼細啱數。阿甲沙士菲近6次主場對颶風隊,贏咗5次,尾關可再追主W。
页: [1]
查看完整版本: 小鬥牛超班圖利